Laavenjassen ulmie lea generiske hammoedimmieh jïh nullesubjekth åarjelsaemien gïelesne goerehtidh. Laavenjasse edtja vuesiehtidh guktie generiske, arbitrære jïh spesifihke jiehtegh åarjelsaemien gïelesne hammoedidh, jïh aaj vaestiedidh mejtie åarjelsaemien byöroe såemiesmearan- jallh stinkes nullesubjektegïeline vuajnalgidh dan gaavhtan gïele dovne generiske nulle subjektem gåalmede persovnesne jïh vuesiehtimmes nulle subjektem gåalmede persovnesne baajede. Dah leah sjïerevæhtah mah eah maehtieh dennie seamma gïelesne gååvnesidh dan reerije teorijen mietie. Laavenjasse vuesehte generiske jiehtegh Ø3SG:ine hammode, arbitrære jiehtegh Ø3PL:ine, jïh spesifihke jiehtegh Ø1SG:ine jallh Ø1PL:ine hammode. Dïhte mij sjïere generiske hammoedimmiejgujmie dah maehtieh tjeakoes modaale viehkieverbem utnedh, naakede mij ij gåaredh raajesinie vuesiehtimmes subjektine. Laavenjasse aaj vuesehte dah göökte sjïerevæhtah mah jarngesne daennie laavenjassesne, gidtjh generiske Ø3SG jïh vuesiehtimmes Ø3, maehtieh dennie seamma gïelesne gååvnesidh. Jalhts aarebi dotkeme daejriehtamme åarjelsaemien byöroe stinkes nullesubjektegïeline vuajnalgidh, dle daate laavenjasse vuesehte byöroe såemiesmearan nullesubjektegïeline vuajnalgidh. Laavenjasse vuesehte teorije Nullesubjekteparameeteren bïjre ij leah ållesth, jïh manne aaj haestiemidie mah vååjnesasse båetieh digkedem jïh muvhth salkehtimmieh buaktam.